रिचार्ज गरेबराबरकै पैसा फिर्ता दिने नेपाली एप ‘रिचार्जर’ सार्वजनिक

आफूले मोबाइल रिचार्ज गर्दा सोही रकम बराबरकै पैसा फिर्ता दिने नेपाली मोबाइल एप रिचार्जर (Reecharger)  राजधानीमा एउटा विशेष समारोहका बीच सोमबार सार्वजनिक गरिएको छ ।

रिर्चाज गर्दा सोही बराबर पाएको रकम त्यस एपमा नै जम्मा हुनेछ जसलाई अनलाइन शपिङ गर्दा, फिल्म हेर्दा, रेष्टुरेन्टमा खाना खाँदा, फ्लाइट बुक गर्दा खर्च गर्न सकिनेछ । यसका अलावा यो एप्समार्फत अनलाइन मोबाइल रिचार्ज, अफलाइन डाटाप्याक खरिद, सुनचाँदीको मुल्य, बिनिमयदर, सेयर बजार तथा बजारमा आएका नयाँ नयाँ फेसन ब्राण्डहरुको बारेमा जानकारी पाइने सुविधा रहेको कम्पनीका प्रबन्ध निर्देशक टिकाराम बुढाथोकीले बताएका छन् ।

यस एपलाई ग्लोबल की टेक्नोलोजिजले विकास गरेको हो । यो एप एन्ड्रोइड प्रयोगकर्ताले प्लेस्टोरबाट र आइओएस प्रयोगकर्ताले एपस्टोरबाट बिना कुनै शूल्क डाउनलोड गर्न सक्नेछन् ।