के तपाइलाई आफ्नो मोबाइल फोनको आइएमइआइ नम्बर थाहा छ ?

मोबाइल चलाउँदै हुनुहुन्छ, तर के तपाइलाई आफ्नो मोबाइल फोनको आइएमइआइ नम्बर थाहा छ ? थाहा छैन भने आजै थाहा पाउनुहोस । यस नम्बर तपाइको मोबाइल हराएको खण्डमा पत्ता लगाउन सहयोगी साबित हुन सक्छ ।

हरेक मोबाइललाई एउटा विशेष नम्बर प्रदान गरिएको हुन्छ । यसलाइ आइएमइआइ ( इन्टरनेसनल मोबाइल इक्विपमेन्ट आइडेन्टीटी ) नम्बर भनिन्छ ।

कसरी थाहा पाउने त आइएमइआइ नम्बर ?
हरेक मोबाइल पिच्छे फरक हुने यस नम्बर १५ वा १७ अंक लामो हुने गर्दछ । यो नम्बर प्रायः मोबाइलको ब्याट्रि राख्ने स्थानको भित्र पट्टि वा मोबाइल खरिद गर्दाको बक्समा हुने गर्दछ । एउटा मात्र सिमकार्ड प्रयोग गर्ने मोबाइलमा यो नम्बर एउटा हुन्छ भने दोहोरो सिककार्ड प्रयोग गर्नेहरूमा सो नम्बर दुइवटा हुने गर्छ । आफ्नो मोबाइलमा *#06# डायल गरेर कुनैपनि बेला यो नम्बर थहा पाउन सकिनेछ ।

कसरी हराएको वा चोरी भएको मोबाइल पत्ता लगाउछ त यसले ?
मोबाइल हराएमा वा चोरी भएमा यस नम्बरको सहायताले पत्ता लगाउन सकिन्छ । यसका लागि नजिकैको प्रहरी चौकिमा यस नम्बर सहित निबेदन दिनु पर्नेछ । प्रहरीले आइएमइआइ नम्बर ट्रयाक गरि त्यस मोबाइलमा प्रयोग भइरहेको सिमकार्ड को पत्ता लगाउनेछ जसले मोबाइल पत्ता लगाउन सहयोग पुर्याउँछ